اتــمــنى لــكــم قــراءه مــمــتــعــه

الجمعة، 16 ديسمبر، 2011

عادي وإذا يعني حبيبي هجرني


عادي وإذا يعني حبيبي هجرني 


ماهمني لاهـو ولا اللـي يقولـون


كم واحـد قبلـه وفيـت وغدرنـي


ما قامت الدنيا ولا صرت مجنـون


وان كان قصدك بالخساره خسرنـي


وان كان قصدك بالعطايـا يولـون


محد على ذيـك العطايـا جبرنـي


وشرواي لامنهم عطـو مايمنـون


شي خذيته مـن ابـوي وشهرنـي



الطيب اللي حي لـو كـان مدفـون


وبالشده اذكر بالرخا مـن ذكرنـي


واجيه انا من اقصاي لا صار مغبون


واتعب على منهو جرحته وعذرنـي


وامسك عليه الى اخطا كلمة اتمون


واسهر عشان اللي تعبت وسهرنـي


وكانه سهرني بعين ابسهر له عيون


واشكر كرم منهو عطيته شكرنـي


والله يسامح من خذا وقال مديـون


رح للذي تـو ماعرفنـي وخبرنـي


وقله ترا نصار كلمنـي هاللـون



كل الجفا اللـي منهـم ماعسرنـي


صاروا معي والا علـي مايهمـون


لي الشرف غير الزمن ما كسرنـي


اطيح واضحك له وانا كلي اطعـون


حتى لـو طيبـي لعب بـي ودمرنـي


اموت لي منه ولا امـوت ممنـون


وصحيح انا طيب وعقلـي كبرنـي


لكن اذا ضاقت علي صرت مجنـون