ابسالك بالله..دامك تبي تروح
من جابرك!! يومٍ برجلك تجيني!!
ماتذكر انك جيت مع فجة الضوح
عندك كلام!! تقول..جيتك تبيني؟؟
جاوب\\ وكيفك.. بعدها تروح مسموح
اصلاَ وش اللي صار بينك وبيني
يعني تحسب انك اذا فـ يدك تلوح
اضيق\\وازعل\\وافتقد اوكسجيني
لاوالله الا فــ دربك الباب مفتوح
اطلع وصكه مادرت عنك عيني
ماني بناقص (ملعنة حب) وجروح
قبلك تعبت ..وضايقني سنيني
تعبت الملم\\ وانثرن \\ حب وانوح
واجمع شتاتي واسال الناس ويني؟؟؟
اقسم قسم بالله ماهد لي صروح
طوبه على طوبه بنتها يديني
متربع بـ قمه ولاانزل على سفوح
وان اجدبت ارضي ابي ترتويني
بقول لك شغله..قبل تنوي تروح
ماهو بكل واحد يحرك حنيني
احيان فرقا..تذبح القلب والروح
واحيان فرقا ..تحيي الروح فيني
للشاعر المتميز / نواف الأشرم
ليست هناك تعليقات:
إرسال تعليق
جميع الردود تعبّر عن رأي كاتبيها فقط. حريّة النقد والرد متاحة لجميع الزوار بشرط أن لا يكون الرد خارج نطاق الموضوع وأن يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد).