اتــمــنى لــكــم قــراءه مــمــتــعــه

الجمعة، 16 سبتمبر 2011

ضيفيني بايميلك وخلينا نصير اثنين




أضيفينــــي بايميلـك وخلينـا نصيـر اثنيـن

كلام يقــوله محشــــش عشـان يشبـك بنّيـه
أضيفيني وأنا بقبل بسرعـه طالبـك تكفيـن
بسولف لك وبحكي لك ســوالف حيـل سريّـه
تقوم البنت تتغلـــى ورا مـا تقولهـا هالحيـن
هــنا بالمنتــــدى بالخـاص الأوضـاع حــريّـه
يجاوبها الولد ويقول شكلك صايـره تنسيـن
حــــــــاير خصــيم الوقت مدرســة ياــوخيّـه
يشـــوفـون الرسايـل كلهـا وإلا مـا تدريـن
وأنا مآبي يشوفونـي وأنـا بعطيـك حنّيـه
تجيـــه البنت وتضيفه وتتكبـر عليـه شويـن
تفضــل هاه وش عندك تراني حيـل رسميّـه
وهي دجه ولا تدري تجيه يسار وإلا يميـن
شين البنت تتفلســــف وهي برحـه عليميّـه
يجيها جايب الطبلون يجيها مطفـي النوريـن
أنا مملوح وش زينــي أنـا كلـي رومانسيّـه
أنا أسوي وأنا أفعل أنا احبـك ليـوم الديـن
تعالي قربـي منـي تـراي مصفـــي النيّـــــه
وهو توه و ما كمل معاهـا يـوم أو يوميـــن
يقول أنتي ملكتيني يا أحلـى بنـت سحليّـه
تقول البنت منحرجه ورا ما تستحي ياعفيّـن
أنا ما أعرف وش تقصد أنا مبغي رومانسيه
وكانك زين وش ملحك تراني كاملـه بالزيــن
أنا أمي تقول أنتـي جمـال وطـول حوريّــه
يشب محشش الصاروخ ويمخمخ على موشين
اجل أمك تقول أنتي جمـال وطـول حوريّــه
أنا أتوقع ولا ادري أحس انك كمـال الشيـن
ولونك لون سوداني وخشمك خشـم كوريّــه
وتبدى الحرب بين اثنين كله سب مع تلعيـن
وكلـن يحظـر الثانـي وبأخـلاقٍ تجاريّــــــه
وهذي تجربة حشاش وترجمها لكـم قافيـن
وهـذا حالنـا هالحيـن تمسـاحٍ وسحلـيّـــــه

ليست هناك تعليقات:

إرسال تعليق

جميع الردود تعبّر عن رأي كاتبيها فقط. حريّة النقد والرد متاحة لجميع الزوار بشرط أن لا يكون الرد خارج نطاق الموضوع وأن يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد).